Ertu kennari í framhaldsskóla, starfsmenntaskóla, leikskóla eða grunnskóla með reynslu af eTwinning? Þá er þetta einstakt tækifæri fyrir þig! eTwinning á Íslandi býður upp á tvö ótrúleg tækifæri til að taka þátt í alþjóðlegum ráðstefnum í haust – ein í Sarajevo, Bosníu og Hersegovínu, og önnur í Tallinn, Eistlandi.
Þessi ráðstefna er tilvalin fyrir kennara sem vilja hitta aðra frá öllum heimshornum, deila reynslu og góðum dæmum úr skólastarfinu, og hefja ný alþjóðleg samstarfsverkefni í gegnum eTwinning.
Umsóknarform fyrir ráðstefnuna í Sarajevo
Á ráðstefnunni í Tallinn færð þú tækifæri til að hitta aðra kennara, deila reynslu, og fá innblástur til nýrra verkefna.
Umsóknarform fyrir ráðstefnuna í Tallinn.
Við höfum aðeins eitt pláss í boði á hvora ráðstefnu, svo ekki bíða með að sækja um ef þú hefur reynslu af eTwinning og hefur tekið þátt í að minnsta kosti einu verkefni áður. Kennarar sem ekki hafa tekið þátt í erlendum viðburðum af þessu tagi á vegum Rannís eða eTwinning síðastliðin tvö ár hafa forgang.
Við hvetjum alla kennara sem hafa áhuga á alþjóðlegu samstarfi og nýsköpun í kennslu til að sækja um! Þetta er einstakt tækifæri til að efla þekkingu og tengslanet og fá nýjar hugmyndir til að taka með sér heim í skólastarfið.
Ekki láta þetta einstaka tækifæri fram hjá þér fara – sæktu um strax!
