Fyrir umsækjendur
Leiðbeiningar fyrir stofnanir og lögaðila
Þegar sækja á um í Erasmus+ eða European Solidarity Corps (ESC) er að mörgu að hyggja. Hér hafa verið teknar saman nytsamlegar upplýsingar sem gott er að hafa til hliðsjónar í umsóknarferlinu. Þau sem hafa hugsað sér að sækja um eru hvattir til að skoða skilyrði umsókna, hvernig umsókn er metin, upphæðir styrkja og umsóknarfresti.
Handbók Erasmus+ og ESC
Á heimasíðum framkvæmdastjórnar Evrópusambandsins má finna Erasmus+ handbókina og ESC handbókina. Einnig er hægt að setja sig í samband við starfsfólk Landskrifstofunnar á Íslandi til að fá nánari upplýsingar og ráðgjöf.
Erasmus+ og ESC torgið
Erasmus+ og ESC torgið eða EESCP - Erasmus+ and ESC platform er síða þar sem hægt að nálgast helstu kerfi sem tengjast umsóknum og umsýslu verkefna í Erasmus+ og ESC s.s. vefeyðublöðin, OID skráningarkerfið (organisation registration system), Beneficiary Module og fleira. Torgið er aðgengilegt án innskráningar en til að komast inn í ýmsa hluta þess, til dæmis umsóknareyðublöð, þarf EU login innskráningu.
Helstu þrepin í umsóknarferlinu
Þrep 1: Kannaðu möguleikana innan Erasmus+ og ESC
Þrep 2: Lestu handbókina
Þrep 3: Gakktu úr skugga um að stofnunin/lögaðilinn sé með OID númer
Þrep 4: Sæktu um
Þrep 5: Kynntu þér matsferli umsókna
Ráðgjöf fyrir umsækjendur
Landskrifstofa hvetur umsækjendur til að hafa samband meðan á umsóknarferlinu stendur. Umsækjendur um samstarfsverkefni eru beðnir um að fylla út eyðublað með verkefnishugmynd áður kemur að ráðgjöf. Á hverju ári stendur starfsfólk Landskrifstofu Erasmus+ og ESC fyrir námskeiðum, ýmist á landsbyggðinni, í Reykjavík eða með fjarfundi. Þessi námskeið eru auglýst á vefsíðunni, á samfélagsmiðlum og á póstlista Rannís.
SKRÁ MIG Á PÓSTLISTA RANNÍS/ERASMUS+
