Samstarfsverkefni á leik-, grunn- og framhaldsskólastigi

Markmið samstarfsverkefna

Samstarfsverkefnum sem styrkt verða er sérstaklega ætlað að styðja við áherslur Evrópusambandsins á sviði menntunar.

• Að auka gæði starfsemi samstarfsaðilanna í verkefninu og deila nýjungum með öðrum, þvert á fag- og starfsgreinar
• Að styrkja stofnanir sem vinna þvert á landamæri og á milli mismunandi skólastiga og fagreina
• Að mæta sameiginlegum þörfum og forgangsatriðum á sviði menntunar, þjálfunar og æskulýðsstarfs
• Að stuðla að framförum (hjá einstaklingum, stofnunum eða innan einstakra geira) sem leitt geta til þróunar og nýrra aðferða sem nýtast aðilum af mismunandi stærð og gerð

Í minni samstarfsverkefnum (Small-Scale Partnerships) er að auki stefnt að eftirfarandi atriðum:

• Að auka tækifæri og hvetja til þátttöku nýliða, þeirra sem hafa litla reynslu af því að taka þátt í evrópsku samstarfi og smærri aðila. Þessi verkefni geta verið fyrstu skref Evrópusamstarfs.
• Að styðja við markmið inngildingar og þátttöku fólks sem hefur færri tækifæri.
• Að styðja við markmið um virka þátttöku í samfélaginu og að færa evrópskar áherslur að nærsamfélaginu.

Styrkt verkefni þurfa sömuleiðis að styðja við evrópsk stefnumið um að auka gæði menntunar og stuðla að virkara samstarfi á milli skóla og annarra stofnana sem koma að menntun á leik-, grunn- og framhaldsskólastigi, atvinnulífs og stjórnvalda til að mæta betur eftirspurn eftir hæfni á vinnumarkaði til framtíðar.

Forgangsatriði

Öll samstarfsverkefni á sviði leik-, grunn- og framhaldsskóla þurfa að styðja við a.m.k. eitt af þeim forgangsatriðum sem ákveðin hafa verið fyrir þessi skólastig og/eða eitt forgangsatriði sem ákveðið hefur verið þvert á öll skólastig/æskulýðsstarf.

Fyrir umsóknarfrest 2025 hafa verið skilgreind eftirfarandi forgangsatriði fyrir samstarfsverkefni á sviði leik-, grunn- og framhaldsskóla:

• Að takast á við námshamlanir, brottfall úr skóla og litla grunnfærni
• Að stuðla að vellíðan í skólastarfi
• Að styðja við kennara, skólastjórnendur og aðra sem koma að kennslu
• Þróun lykilhæfni
• Að stuðla að alhliða nálgun við kennslu og nám tungumála
• Að stuðla að áhuga og ágæti í vísindum, tækni, verkfræði og stærðfræði (með STEM-kennslu), sem og STEAM-nálguninni (með því að bæta listgreinum við), og að efla áhuga stúlkna á STEM
• Að þróa hágæða menntunarkerfi fyrir yngstu nemendurna
• Viðurkenning á námsárangri þátttakenda í námsferðum til annarra landa
• Að styðja við frumkvöðla í skólum
• Að styðja evrópsk mennta- og þjálfunarkerfi í viðbrögðum þeirra við stríðsátökum í Úkraínu

Athugið að nauðsynlegt er að skoða vel hvert forgangsatriði í Erasmus+ handbókinni (Programme Guide) þar sem þau eru útskýrð nánar. Þar má einnig finna nánari upplýsingar um viðmið um mat á umsóknum (award criteria).

Almenn forgangsatriði Erasmus+ áætlunarinnar sem gilda um öll skólastig og æskulýðsstarf (horizontal priorities) snúa að því að tryggja aðgengi allra að áætluninni, umhverfisvænu alþjóðastarfi, aukinni starfrænni þróun og færni, sem og sameiginlegum gildum og borgaralegri þátttöku.

Hverjir geta sótt um?

Einungis lögaðilar geta sótt um styrki til að vinna samstarfsverkefni. Áætlunin veitir aðilum sem starfa á eða koma að menntun á sviði leik-, grunn- og framhaldsskóla tækifæri til að vinna verkefni með skólum og stofnunum í öðrum löndum í því skyni að auka gæði og samstarf milli aðila.

Lögaðilar í þátttökulöndum Erasmus+ áætlunarinnar geta tekið þátt. Þetta eru Evrópusambandslöndin, EFTA löndin Ísland, Liechtenstein og Noregur, auk Tyrklands, Serbíu og Norður-Makedóníu. Stofnanir og samtök frá löndum á svæðum 1-3 (fyrir utan Belarús) geta tekið þátt en ekki verið umsækjendur.

Einstaka stofnanir geta tekið þátt í mest 10 umsóknum um stærri samstarfsverkefni í hverjum umsóknarfresti. Í smærri samstarfsverkefnum geta einstaka stofnanir aðeins tekið þátt í fimm umsóknum í hverjum fresti. Með þátttöku í verkefnum er átt við bæði umsækjendur og samstarfsaðila.

Hvað er styrkt ?

Styrkir til samstarfsverkefna eru veittir í formi fastrar upphæðar (lump sum) og umsækjendur geta sótt um eftirfarandi upphæðir

Allir verkefnastyrkir Erasmus+ eru stuðningur og gera ráð fyrir mótframlagi aðila verkefnisins. Í umsókninni er ekki farið fram á að mótframlag sé útskýrt í smáatriðum heldur þarf áætlaður kostnaður við framkvæmd verkefnisins að vera hærri en styrkupphæðin sem sótt er um.

Við gerð fjárhagsáætlunar ber að hafa í huga að ef hún er metin óraunhæf verður að hafna umsókninni. Við afgreiðslu umsókna er ekki hægt að lækka styrkupphæð sem sótt er um.

Styrkupphæðin snýr að þeim verkþáttum sem leyfilegir eru í Erasmus+ samstarfsverkefnum:

• Verkefnisstjórn (áætlanagerð, fjármál, samskipti og samhæfing milli samstarfsaðila, eftirfylgni, umsjón o.s.frv)
• Námsviðburðir (learning activities)
• Kennslu- og þjálfunarviðburðir (teaching and training activities)
• Fundir og viðburðir
• Afurðir verkefnisins (útgefið efni, skjöl, verkfæri, afurðir o.s.frv)
• Miðlun á niðurstöðum og afurðum verkefnisins

Stærri samstarfsverkefni (Cooperation Partnerships) geta varað í 12 – 36 mánuði.

Lágmarksfjöldi samstarfsaðila eru þrír aðilar frá þremur þátttökulöndum Erasmus+. Stofnanir og samtök frá löndum á svæðum 1-3 (fyrir utan Belarús) geta tekið þátt en ekki verið umsækjendur.

Einstaka stofnanir geta tekið þátt í mest 10 umsóknum um stærri samstarfsverkefni í hverjum umsóknarfresti, hvort heldur er sem umsækjendur eða samstarfsaðilar.

Styrkt verkefni skulu taka mið af stefnumörkun Evrópusambandsins í menntun og geta m.a. snúið að því að auka gæði kennslu og annarrar starfsemi samstarfsaðila verkefnisins og aukinni hæfni til alþjóðlegrar samvinnu. Einnig að vinna að nýjum lausnum og aðferðum í skólastarfi.

Smærri samstarfsverkefni (Small-Scale Partnerships) geta varað í 6 - 24 mánuði.

Lágmarksfjöldi samstarfsaðila eru tveir aðilar frá tveimur þátttökulöndum Erasmus+.

Einstaka stofnanir geta tekið þátt í mest fimm umsóknum um smærri samstarfsverkefni í hverjum umsóknarfresti, hvort heldur er sem umsækjendur eða samstarfsaðilar.

Eitt markmiða smærri samstarfsverkefna er að auðvelda aðgengi að Erasmus+ áætluninni fyrir nýliða og minni skóla og stofnanir. Einnig að styðja jöfn tækifæri fyrir alla, borgaralega þátttöku og evrópsk gildi í nærsamfélaginu.

Mat á verkefnisumsóknum bæði smærri og stærri samstarfsverkefna er í samræmi við markmið og eðli samstarfsins. Miðað við markmið verkefnanna geta þau verið misstór og byggð upp á mismunandi hátt.

Hvernig er hægt að finna samstarfsaðila?

Umsækjendur finna sjálfir sína samstarfsaðila og eru upplýsingar um þá hluti af umsókn. Mikilvægt er að vanda vel valið og kynna sér reynslu og sérþekkingu þeirra sem unnið verður með.

• Tengslaráðstefnur eru skipulagðar af Landskrifstofum Erasmus+. Þessar ráðstefnur eru kynntar á heimasíðum Landskrifstofa jafnóðum og upplýsingar um þær berast.
• School Education Gateway er torg þar sem kennarar, skólafólk, sérfræðingar og raunar allir sem tengjast kennslu og skólaþróun á leik-, grunn- og framhaldsskólastigi koma saman. Þar er m.a. að finna verkfæri sem koma að notum við leit að samstarfsaðilum.
• eTwinning er aðgengilegt skólasamfélag á netinu þar sem hægt er að komast í samband við evrópska kennara og skólafólk, taka þátt í einföldum samstarfsverkefnum og sækja sér endurmenntun á vinnustofum og námskeiðum með hjálp upplýsingatækni.

• Í Gagnabanka Erasmus+ verkefna eru upplýsingar um Erasmus+ verkefni sem er lokið; niðurstöður þeirra og þar er einnig listi samstarfsaðila. Bæði getur verið gagnlegt að skoða þau verkefni sem unnin hafa verið á því sviði sem þú ert að hugsa um og einnig er mögulegt að finna áhugaverða samstarfsaðila.

Skilyrði úthlutunar

Áður en sótt er um þarf að ganga úr skugga um að stofnunin/fyrirtækið sem sækir um styrkinn sé með svokallað OID númer. Til að sækja slíkt númer þarf EU-login aðgang. Hér eru nánari upplýsingar um hvernig sótt er um í Erasmus+ sem og ítarlegar leiðbeiningar um EU-login aðgang og OID númer.