Nú er tíminn til að taka þátt í spennandi skráningarátaki eTwinning, sem fer fram dagana 15. september til 15. október 2024! eTwinning er vettvangur fyrir kennara í Evrópu til að tengjast, deila hugmyndum og þróa alþjóðleg samstarfsverkefni í kennslu. Með því að taka þátt í þessu átaki færðu tækifæri til að efla skólastarf þitt með alþjóðlegu samstarfi, nýjum hugmyndum og skapandi lausnum.
Skráningarátak eTwinning er hannað til að hvetja kennara á Íslandi til að ganga til liðs við eTwinning samfélagið og hefja ný alþjóðleg verkefni með skólum um alla Evrópu.
Kennarar sem skrá sig í eTwinning á tímabilinu 15. september til 15. október 2024 munu sjálfkrafa taka þátt í skráningarátakinu. Allir kennarar, nýir sem reyndir, eru hvattir til að taka þátt, en átakinu er sérstaklega ætlað að styðja þá sem eru að stíga sín fyrstu skref í alþjóðlegu samstarfi.
Það er einfalt að skrá sig! Skráning fer fram hér: https://school-education.ec.europa.eu/en/etwinning
Nánari upplýsingar finnur þú á heimasíðu eTwinning á Íslandi og þar eru einnig leiðbeiningar til að skrá sig. Ef þú ert nú þegar meðlimur, getur þú byrjað nýtt verkefni eða boðið nýjum samstarfsaðilum að ganga til liðs við þig. Ef þú þarft aðstoð eða hefur spurningar má alltaf hafa samband við starfsfólk Landsskrifstofu eTwinning (etwinning@rannis.is).
Með því að taka þátt í skráningarátakinu munt þú eiga möguleika á að vinna verðlaun. Þeir kennarar sem skrá sig í eTwinning í vikunni mánuðinum verða dregnir út og eiga því möguleika á því að vinna gjafabréf fyrir tvö í lúxusböð að eigin vali, hvort sem er Sky Lagoon, GeoSea eða Vök – það sem hentar þeim aðila best. Dregið verður út miðvikudaginn 16. október. Ef að kennari hefur verið skráður áður en ekki virkur lengi er hægt að vera með í leiknum með því að virkja aðganginn.
Skráðu þig í dag og vertu hluti af eTwinning samfélaginu!
