ECVET - Evrópskt einingakerfi í iðn-og starfsnámi

Framtíðin – lærdómur og atvinnulífið

26.6.2019

  • Helen-i-Rotterdam-unnin3

Árlegur fundur ECVET ráðsins var haldin í Rotterdam, Hollandi daganna 20. til 21. Júní. Áhrifavaldar úr atvinnulífi og menntakerfinu í Evrópu komu saman og ræddu um starfsnám og samspil menntakerfa og atvinnulífsins og hvernig hægt er að gefa færniviðmiðum vægi gildi milli landa. 


Það var komið víða við og fjallað um 4.0 iðnbyltinguna og spár um umskipti í mörgum ,,hefðbundnum“ störfum í iðn-og starfsgreinum. Líflegar umræður spunnust um þessar spár. Dr. Marc van der Meer sem sagði að eftirspurn eftir vinnuafli í ,,hefðbundnum“ iðn- og starfsnámsgreinum hafi aldrei verið meiri í Hollandi.

Helen-i-Rotterdam-unninHelen Gray, þróunarstjóra IÐUNNAR, var boðið að flytja erindi um mikilvægi fyrirtækja sem lærdómsstað í iðn- og starfsnámi með sérstaka áherslu á viðurkenningu fyrirtækja sem taka þátt í námsmannaskiptum í Evrópu. Önnur lykilatriði sem hafa verið rædd eru m.a. sveigjanleiki kerfa, stuðningur við fyrirtæki, þróun alla ævi, aldursamsetningu samfélagsins, innflytjendur, ungt fólk sem flosnar upp úr skóla, samfélagslega ábyrgð, óhefðbundin störf, alþjóðavæðing og umhverfisþættir. Erindi Helen er byggð á grein sem birtist í  ECVET tímaritinu

Fréttir

Þetta vefsvæði byggir á Eplica