Tækifæri á sviði sjálfboðastarfs ungs fólks

18.9.2019

European Solidarity Corps áætlunin er ætluð fyrir ungt fólk sem á lögheimili á Íslandi og er á aldrinum 18 – 30 ára.

Samtök og sveitarfélög geta sótt um að taka þátt í áætluninni og fá styrk til að taka á móti og/eða senda ungt fólk til þess að sinna samfélagsverkefnum í öðrum Evrópulöndum.

Við hjá Landskrifstofu Erasmus+ leitum að áhugasömum samtökum eða sveitarfélögum til að taka þátt í þessari áætlun með því að fá til sín sjálfboðaliða sem geta auðgað og eflt nærsamfélagið og haft áhrif á íbúa þess á jákvæðan hátt.

Einnig geta hópar ungs fólks sótt um styrk til þess að vinna að áhugaverðum verkefnum sem þau langar að koma í framkvæmd og eru til þess að bæta samfélagið.

Dæmi um tegundir og áherslusvið verkefna eru:

• Án aðgreiningar
• Móttaka og aðlögun flótta- og farandfólks
• Borgaraleg og lýðræðisleg þátttaka
• Forvarnir tengdar náttúruhamförum og uppbyggingu
• Náttúruvernd
• Heilsa og velferð
• Nám og þjálfun
• Atvinnuþátttaka og frumkvöðlastarf
• Sköpun og menning
• Íþróttir

Nánari upplýsingar er að finna á heimasíðu áætlunarinnar og í handbók fyrir umsækjendur. Jafnframt veitir starfsfólk Landskrifstofu Erasmus+ upplýsingar.