Opið samráð um fjármálaáætlun ESB eftir 2020 – nám og þjálfun

8.2.2018

Niðurstöðurnar úr samráðinu munu liggja til grundvallar því sem Framkvæmdastjórnin leggur til síðar á þessu ári sem áhersluatriði nýju fjármálaáætlunarinnar. Þar verður leitast við að greina hvað hefur gengið vel til þessa og hvað má betur fara í framtíðinni til að tryggja að fjármunum aðildarríkjanna sé rétt varið. Um leið hafa tillögurnar mikil áhrif á það hvernig rammaáætlanir eins og til dæmis Erasmus+ og Creative Europe munu koma til með að líta út eftir 2020. 

Við hvetjum því almenning, stofnanir og aðra hagsmunaaðila sem hafa reynslu af náms- og þjálfunarferðum innan rammaáætlana ESB að leggja sitt af mörkum í þessu opna samráði. Það er hægt með því að svara könnun þar sem lagðar eru fram spurningar um náms- og þjálfunarferðir. Hún er opin til 8. mars 2018. 

• Upplýsingar um samráðið
• Slóð beint á könnunina