Aukin tækifæri til náms fyrir fólk á vinnumarkaði

14.12.2021

Þessir tveir málaflokkar eru veigamiklir þættir í áætlun Evrópusambandsins um færni Evrópubúa (European Skills Agenda), og hugmyndin um örnám er þar að auki mikilvægt skref í átt að sameiginlegu evrópsku menntasvæði, sem stefnt er að árið 2025. Áhersla er lögð á að styðja fólk á vinnumarkaði í að afla sér þekkingar sem samræmist þörfum hins græna og stafræna hagkerfis.

Að baki sjóðum einstaklinga til náms (e. individual learning accounts) liggur sú hugmyndafræði að þjálfun og stuðningur í starfi sé sjálfsagður réttur allra. Gert er ráð fyrir að upplýsingar um framboð á námi séu aðgengilegar, að hægt sé að stunda nám með vinnu og að fólk geti auðveldlega leitað sér ráðgjafar um næstu skref.

Í sama anda gerir örnám (e. micro-credentials) vinnandi fólki kleift að auka færni sína gegnum styttri námsleiðir en áður, til dæmis með styttri námskeiðum en háskólar hafa hingað til boðið upp á. Þannig er nálgunin á nám orðin sveigjanlegri en áður og gerir einstaklingum kleift að auka færni sína á fjölbreyttan og nemendamiðaðan hátt, sem eykur aðgengi að námstækifærum í Evrópu.

Nánari upplýsingar:

Fréttatilkynning frá Evrópusambandinu um sjóði til náms og örnám