Erasmus+ vikur í alþjóðavíddinni

7.6.2024

Erasmus+ vikur í alþjóðavídd Erasmus+ fara af stað í lok júní. Viðburðurinn stendur yfir í þrjár vikur og er hver vika tileinkuð ákveðnu svæði í alþjóðavíddinni.

Fyrsta vikan er tileinkuð Afríku sunnan Sahara. Í tilefni þess mun framkvæmdastjórn ESB halda tengslaráðstefnu í Abidjan á Fílabeinsströndinni dagana 26.-27. júní 2024.

Á ráðstefnunni koma saman háskóla- og starfsmenntastofnanir frá Evrópu og Afríku sunnan Sahara sem hafa áhuga á að þróa samstarf í alþjóðavídd Erasmus+. Þema viðburðarins er stafræn menntun.

Þátttaka er opin öllum sem hafa áhuga á að fræðast meira um alþjóðavíddina og finna samstarfsaðila.

Hægt er að taka þátt á staðnum eða á netinu en þátttakendur þurfa að skrá sig fyrir fram.

Skráning og nánari upplýsingar um viðburðinn má finna hér.

Í alþjóðavídd Erasmus+ geta stofnanir og samtök í þátttökulöndum Erasmus+ þróað alþjóðleg verkefni með löndum sem hafa ekki beina aðild að áætluninni. Nánari upplýsingar um alþjóðavídd Erasmus+ má finna í Erasmus+ handbókinni