Opið fyrir skráningu á fjölmargar Erasmus+ tengslaráðstefnur og vinnustofur erlendis fyrir starfsfólk á öllum skólastigum

14.3.2023

Við viljum vekja sérstaka athygli á því að í augnablikinu er opið fyrir skráningu á sérlega marga viðburði erlendis sem geta haft mikinn ávinning fyrir starfsfólk í skólum og menntastofnunum á öllum stigum. Það er því um að gera að grípa tækifærið og skrá sig í tæka tíð. 

• Viltu kynna þér blönduð starfsmanna-og nemendaskipti á grunn -og framhaldsskólastigi? 
• Viltu læra meira um sjálfbær og græn Erasmus+ verkefni í fullorðinsfræðslu eða starfsmenntun?

Kynnið ykkur alla viðburði sem eru á döfinni hérna.

Landskrifstofa Erasmus+ greiðir fyrir gistingu þátttakenda auk 90% af ferðakostnaði, en í því felast allar ferðir til og frá flugvöllum, sem og auka gistinætur sem þátttakendur þurfa hugsanlega að taka vegna fjarlægðar sinnar frá fundarstað, bæði innanlands og utan.

Starfsfólki í æskulýðsmálum er bent á sérstaka síðu fyrir námskeið í Evrópu .