Fjölbreyttum Erasmus+ samstarfsverkefnum ýtt úr vör

12.10.2023

Sókn í samstarfsverkefni er í heilmiklum vexti og fjöldi umsókna í mars jókst um rúmlega 40% frá fyrra ári. Í sumar var unnt að veita styrkjum til 18 verkefna sem hljóta samtals 3,4 milljónir evra, eða um 500 milljónir íslenskra króna, til að takast á við ýmsar áskoranir samfélagsins. Þau eru talin falla vel að meginforgangsatriðum Erasmus+ áætlunarinnar, sem eru inngilding, grænar áherslur, stafræn væðing og virk þátttaka í samfélaginu.

Sem dæmi um sértæk viðfangsefni verkefnanna má nefna:

• gervigreind og áhrif hennar

• gagnrýna hugsun

• stuðning við fólk með innflytjendabakgrunn

• menningararf

• menningarlega fjölbreytni

• geðheilsu

Nánari upplýsingar um styrkt verkefni má finna á yfirlitssíðu Erasmus+ yfir styrkúthlutanir.

Seinni umsóknarfrestur ársins um samstarfsverkefni var 4. október síðastliðinn og verður tilkynnt um úthlutun fyrir árslok. Umsóknarfrestir komandi árs verða auglýstir í nóvember.

Meðfylgjandi myndir voru teknar á upphafsfundinum þann 5. október af tengiliðum verkefnanna og starfsfólki Landskrifstofu. Við hlökkum til að sjá metnaðarfullar hugmyndir verða að veruleika og óskum styrkhöfum hjartanlega til hamingju með frábæran árangur.

_{Kjartan Bollason, fulltrúi Háskólans á Hólum, og Hrannar Baldursson, fulltrúi Miðstöðvar símenntunar á Suðurnesjum ásamt forstöðukonu Landskrifstofu og verkefnastjóra starfsmenntunar hjá Erasmus+}

_{Sigríður Þorgeirsdóttir, prófessor við Háskóla Íslands, og Auðbjörg Björnsdóttir, forstöðumaður KHA, ásamt forstöðukonu Landskrifstofu og verkefnisstjóra háskólahluta hjá Erasmus+}

_{Þorbjörg Arna Sigrúnardóttir Jónasdóttir, verkefnastjóri Reykjavíkurborgar, Eygló Árnadóttir, verkefnastýra Nordref f.h. Ofbeldisforvarnarskólans, Katarína Bozánová, verkefnastjóri hjá SEEDS, Björk Vilhelmsdóttir, framkvæmdastjóri Starfstækifærisins ásamt forstöðukonu Landskrifstofu og verkefnisstjóra æskulýðshluta hjá Erasmus+}

_{Rannveig Björk Þorkelsdóttir, dósent við Háskóla Íslands, Jóna Guðrún Jónsdóttir, aðjúnkt við Háskóla Íslands, og Jenný Berglind Rúnarsdóttir, fulltrúi Áslandsskóla, ásamt forstöðukonu Landskrifstofu.}

_{Heiðdís Hólm, fulltrúi LUNGA skólans og Tinna Grétarsdóttir frá Dansverkstæðinu ásamt forstöðukonu Landskrifstofu og verkefnisstjóra fullorðinsfræðslu hjá Erasmus+.}