Í lok júní tilkynnti framkvæmdastjórn Evrópusambandsins um úthlutun til 14 nýrra evrópskra háskólaneta (e. European Universities alliances) úr Erasmus+ áætluninni. Eitt netanna heitir OpenEU og í því á Háskólinn á Bifröst sæti.
Það er mikið gleðiefni að fjórði íslenski háskólinn hafi bæst í hóp evrópskra háskólaneta, en Háskóli Íslands, Landbúnaðarháskóli Íslands og Háskólinn í Reykjavík taka nú þegar þátt í öðrum netum. Starfsfólk Landskrifstofu Erasmus+ á Íslandi sendir Háskólanum á Bifröst hamingjuóskir með glæsilegan árangur.
Nú hafa því verið samþykkt 64 háskólanet alls frá árinu 2020 og ná þau til 560 háskóla í 35 löndum. Samkvæmt stefnumótun Evrópusambandsins fyrir háskóla áttu 60 háskólanet að hafa hlotið styrk um mitt ár 2024 og hefur því markmiðinu verið náð. Evrópskum háskólanetum er ætlað að tengja saman háskóla í ólíkum löndum álfunnar og veita samstarfsvettvang á sviði menntunar, rannsókna og nýsköpunar. Markmiðið er að þróa nýjar leiðir fyrir kerfisbundið og langvarandi samstarf sem nær bæði þvert á landamæri og námsgreinar.
Hvert háskólanet getur hlotið allt að 14,4 milljónir evra frá Erasmus+ á fjögurra ára tímabili. Erasmus+ mun veita rúmlega milljarði evra til þeirra á tímabilinu 2021-2027 og auk þess mun fjármagn frá Horizon Europe renna til rannsóknarsamstarfs innan netanna.
Fréttatilkynning Evrópusambandsins um veitingu styrkja árið 2024
Fréttatilkynning Háskólans á Bifröst um háskólanetið
Listi yfir styrkt háskólanet 2024
Evrópskur stefnurammi fyrir háskólastigið
jan., feb., mar., apr., maí, jún., júl., ágú., sep., okt., nóv.
jan., feb., mar., apr., maí, jún., júl., ágú., sep., okt., nóv., des.
jan., feb., mar., apr., maí, jún., júl., ágú., sep., okt., nóv., des.
jan., feb., mar., apr., maí, jún., júl., ágú., sep., okt., nóv., des.
jan., feb., mar., apr., maí, jún., júl., ágú., sep., okt., nóv., des.
