Í átt að sameiginlegri evrópskri háskólagráðu

9.4.2024

Stefnuramminn samanstendur af eftirfarandi atriðum:

1. Tilkynningu um áætlun fyrir evrópska háskólagráðu Í tilkynningunni eru taldar upp skýrar leiðir til samstarfs og stuðningsaðgerðir fyrir Evrópulönd og háskólakerfi þeirra í átt að evrópskri gráðu.

2. Tillögu að tilmælum Evrópuráðsins um það hvernig eigi að tryggja gæði háskólanáms og mat á námi erlendis frá
Evrópsk ríki og háskólar eru hvött til að einfalda og bæta gæðakerfi sín, þar með talið ferla sína og starfshætti. Þetta myndi auðvelda háskólum að laga námsbrautir sínar hraðar að samfélagslegum þörfum, auka nýsköpun í kennslu og tryggja að boðið sé upp á alþjóðleg gæðanámskeið sem metin eru sjálfkrafa af heimaskóla.

3. Tillögu að tilmælum Evrópuráðsins um að gera háskólanám og -störf sjálfbærari og meira aðlaðandi
Framkvæmdastjórn ESB hefur sett fram tillögu um leiðir til að tryggja að háskólastofnanir viðurkenni þau fjölbreyttu verkefni sem starfsfólk tekur að sér til viðbótar við rannsóknir, svo sem við kennslu, þróun alþjóðlegra námskeiða og örnáms (e. micro-credentials). Hún miðar einnig að því að laða að og halda í hæfileikaríkt fræðafólk og skapa starfsumhverfi sem stuðlar að hágæða námi án aðgreiningar, yfirfærslu þekkingar og aukinni færni.

Nánari upplýsingar á heimasíðu Evrópusambandsins um evrópska menntasvæðið