Landskrifstofa Erasmus+ á Norðurlandi 4.-6. september

31.8.2023

Landskrifstofan býður í kaffi mánudaginn 4. september á Ketilkaffi, Akureyri. Þar býðst styrkþegum og áhugasömum umsækjendum að grípa sér kaffibolla, setjast og spjalla við starfsfólk landskrifstofunnar í afslappandi umhverfi. Öll velkomin sem hafa spurningar um áætlunina eða langar að ræða núverandi eða möguleg framtíðar verkefni. 

Miriam og Svandís taka glaðar á móti hverjum þeim sem hafa áhuga á að vita meira um Erasmus+. Miriam er inngildingarfulltrúi landskrifstofunnar og Svandís starfar með samstarfsverkefni í æskulýðshluta og háskólahluta. Þær svara líka fyrirspurnum um aðra hluta Erasmus+ eftir bestu getu og geta veitt upplýsingar um tengiliði innan landskrifstofunnar.

Á mánudeginum heldur Miriam einnig inngildingarþjálfun fyrir starfsfólk í stoðþjónustu Háskólans á Akureyri en auk þess munu þær funda með styrkþegum á staðnum, ásamt því að halda kynningar fyrir ungt fólk um tækifæri í áætluninni í Háskólanum á Akureyri, Menntaskólanum á Akureyri og Verkmenntaskóla Akureyrar.

Á þriðjudeginum verður þjálfun með starfsfólki Akureyrarbæjar, Vinnumálastofnunar og SÍMEY undir handleiðslu Rökstóla frá Dalvík og á miðvikudeginum munu Miriam og Svandís heimsækja Siglufjörð, Ólafsfjörð og Dalvík.

Kaffi á Ketilkaffi á facebook

Fréttir

Þetta vefsvæði byggir á Eplica