Tækifæri til samstarfs á sviði starfsmenntunar utan Evrópu

28.1.2025

Um er að ræða stór og metnaðarfull verkefni sem styðja við ákveðin lönd utan Evrópu í alþjóðavæðingu, að takast á við áskoranir í menntakerfum þeirra og aukið samstarf við starfsmenntastofnanir í Evrópu. Þátttaka í slíkum verkefnum getur leitt til gjöfuls langtímasamstarfs líkt og kom fram á tengslaráðstefnu um hæfnismótun.

Starfsmenntaskólum sem hafa áhuga á slíku samstarfi í framtíðinni en hyggjast ekki sækja um að sinni er bent á möguleikann að vera þátttakandi í slíku verkefni með öðrum umsækjanda í Evrópu. Slík þátttaka getur gagnast vel til að fá reynslu af samstarfi við aðila í löndum á Vestur-Balkanskaga, Afríku sunnan Sahara, Rómönsku Ameríku, í Karíbahafi og í nágrannalöndum í austri.

Öll áhugasöm eru hvött til að kynna sér nánar upplýsingar hér að neðan:

• Starfsmenntaskólar hvattir til að nýta sér Erasmus+ skrifstofur eða Erasmus+ tengiliði til að finna samstarfsaðila utan Evrópu og leiðbeiningar varðandi leit að aðilum innan Evrópu.
• Þau sem ætla að sækja um er bent á að lesa leiðbeiningar fyrir umsækjendur.
• Sótt er um styrki fyrir hæfnismótunarverkefni til framkvæmdaskrifstofu mennta- og menningarmála í Brussel.
• Hægt er að fá aðstoð vegna umsókna í gegnum netfangið EACEA-EPLUS-CBVET@ec.europa.eu
• Almennum fyrirspurnum má beina til Hörpu Sifjar, tengiliðs Landskrifstofu við miðstýrð Erasmus+ verkefni, netfang: harpa.s.arnarsdottir@rannis.is