Spennandi vefstofur framundan

20.9.2023

Um er að ræða:

• nám og þjálfun í æskulýðsstarfi
• nám og þjálfun í íþróttum
• inngildingarátak DiscoverEU
• smærri samstarfsverkefni í starfsmenntun, skólahluta, fullorðinsfræðslu og æskulýðsstarfi
• stærri samstarfsverkefni í æskulýðsstarfi
• ESC sjálfboðaliðaverkefni
• ESC samfélagsverkefni

Einnig viljum við minna á umsóknarfrest um Erasmus+ aðild, sem rennur út þann 19. október kl. 10.

Landskrifstofa Erasmus+ stendur fyrir vefstofum til að kynna tækifæri og styðja þátttakendur í umsóknarferlinu:

7. september kl. 15:00 – 16:00

Evrópa unga fólksins

Á vefstofunni verður fjallað um alla verkefnaflokka á sviði æskulýðsmála, svo sem Erasmus+ nám og þjálfun, aðild og samstarfsverkefni; sjálfboðaliða- og samfélagsverkefni ESC og inngildingarátak DiscoverEU.

Skráning á vefstofu

Hlekkur á vefstofu

11. september kl. 14:00 – 15:00

Erasmus+ samstarfsverkefni

Á vefstofunni verður sjónum beint að samstarfsverkefnum, en þau gera stofnunum og samtökum á sviði mennta- og æskulýðsmála kleift að skiptast á reynslu og þróa nýjar aðferðir í starfsemi sinni í samstarfi við aðila í öðrum Evrópulöndum. Þau eru frábær leið til að styðja við menntun og æskulýðsstarf og hjálpa þeim sem starfa á þessum vettvangi við að takast á við samfélagslegar áskoranir. Sérstaklega verður fjallað um smærri gerð verkefna á þessari vefstofu, en þar nægir að hafa einn samstarfsaðila í öðru landi.

Skráning á vefstofu

Hlekkur á vefstofu

27. september kl. 15:00 – 16:00

Erasmus+ aðild í menntahluta Erasmus+

Vefstofa fyrir skóla, sveitarfélög og stofnanir sem hafa áhuga á Erasmus+ aðild á sviði starfsmenntunar, fullorðinsfræðslu og leik-, grunn- og framhaldsskóla. Aðildin einfaldar leið að styrktækifærum og er hugsuð fyrir umsækjendur sem hafa þróað vandaða áætlun um fjölþjóðlegt samstarf.

Skráning á vefstofu

Hlekkur á vefstofu

Vefstofurnar eru ætlaðir kennurum, stjórnendum, stofnunum, æskulýðssamtökum, sveitarfélögum og öðrum sem hafa áhuga á Evrópusamstarfi á sviði mennta- og æskulýðsmála. Við hlökkum til að sjá ykkur á skjánum!

Nánari upplýsingar:

Umsóknarfrestir ársins 2023

Auglýsing um umsóknir í Erasmus+ fyrir árið 2023 í heild sinni