Vel sóttur fundur um örnám og örviðurkenningar

18.10.2024

Hæfniþarfir vinnumarkaðarins breytast hraðar en nokkru sinni og úrval námstilboða eykst sífellt.
Styttri námskeið (örnám) og viðurkenningar fyrir þau (örviðurkenningar) sýna fram á færni og þekkingu. Með kynningum og samtali var farið yfir núverandi stöðu og hugsanleg tækifæri fyrir fullorðinsfræðslu og atvinnulíf.

• Iðan fræðslusetur og Samtök ferðaþjónustunnar kynntu nýtt tilraunaverkefni um örnám og útgáfu örviðurkenninga,
• Fræðslumiðstöð atvinnulífsins fjallaði um mikilvægi örvottana sem viðbót við nám eða þekkingu sem þegar er viðurkennd og tengingu örvottana við hæfniramma.
• Mímir Símenntun kynnti starfstengd íslenskunámskeið sem eru sérstaklega sniðin að þörfum innflytjenda og atvinnulífs.
• Fulltrúi EQF og Europass fjallaði um hæfnirammann og örvottanir.

Að kynningum loknum urðu fjörugar umræður þar sem megináhersla var lögð á mikilvægi þess að samræma formgerð og matsþætti örnáms í fullorðinsfræðslu við hæfniramma í samvinnu við atvinnulífið. Fundargestir fögnuðu þessu tækifæri til samtals um þróun styttri námsleiða í óformlegu námi og námsmati í fullorðinsfræðslu.

EPALE vefur fagfólks í fullorðinsfræðslu stóð að fundinum í samstarfi við eftirtalin Evrópuverkefni:

• European Agenda for Adult Learning (EAAL) sem snýr að stefnumörkun stjórnvalda í málaflokknum
• EQF verkefnið sem snýr að þróun að vinnu með hæfnirammann
• Euroguidance - Evrópumiðstöð náms- og starfsráðgjafar
• ReferNet – Evrópumiðstöð fyrir þróun starfsmenntunar

Fundurinn var liður í dagskrá árlegrar Samfélagsráðstefnu EPALE.