Við erum að leita að matsmönnum!

20.4.2021

Óskað er eftir einstaklingum sem hafa:

• Þekkingu á íslensku æskulýðsstarfi eða menntakerfi á sviði háskóla, leik-, grunn- og framhaldsskóla, starfsmenntunar og fullorðinsfræðslu.
• Einnig reynslu af fjölþjóðlegu samstarfi og verkefnastjórnun, ásamt skilningi á stefnumiðum Evrópusambandsins um menntun og æskulýðsstarf.

Leitað er að matsmönnum til að meta umsóknir í tveimur verkefnaflokkum; Nám og þjálfun og Samstarfsverkefni.

Mjög góð íslensku- og enskukunnátta er skilyrði.

Starf matsmanna er verkefnatengt og tímabundið í tengslum við umsóknafresti Erasmus+áætlunarinnar.

Áhugasamir eru beðnir um að senda inn umsókn og ferilskrá í tölvupósti eigi síðar en 30. apríl á erasmusplus@rannis.is