Með vonina að leiðarljósi – námskeið fyrir náms- og starfsráðgjafa

6.4.2018

Þetta var meðal þess sem fram kom á námskeiði sem Dr. Norman Amundson, prófessor í sálfræði náms- og starfsráðgjafar við British Columbia háskólann í Kanada, hélt fyrir íslenska náms- og starfsráðgjafa þann 5. apríl sl. Félag náms- og starfsráðgjafa stóð að námskeiðinu og fékk til þess stuðning m.a. frá Evrópumiðstöð náms- og starfsráðgjafa og EPALE, vefgátt fullorðinsfræðslu í Evrópu. 

Dr. Amundson er einn af virtustu fræði­mönnunum á sínu sviði og hafa bækur hans t.d. verið kenndar í náms- og starfs­ráðgjöf við Háskóla Íslands um árabil. Hann leggur mikla áherslu á að ráðgjafi eigi að láta skjólstæðing sinn finna að hann sé meira og stærra en bara vandamál sem þarf að leysa. Þetta geti hann t.d. gert með því að spyrja um áhugamál skjólstæðingsins, styrkleika hans og hvað honum finnist gaman að gera. Á námskeiðinu fór hann yfir ýmsar aðferðir sem hægt er að nota til þess að kveikja eða efla vonina og fengu þátttakendur á námskeiðinu tækifæri á að prófa þær.