Úthlutun styrkja til Erasmus+ samstarfsverkefna árið 2019

12.9.2019

Viðfangsefni verkefnanna er mjög fjölbreytilegt en öll stuðla þau að samstarfi við skóla, fyrirtæki og stofnanir í Evrópu.  Þróun námsefnis er viðfangsefni margra verkefna og sem dæmi má nefna  verkefni Háskólans á Akureyri þar sem unnið verður að gerð á samnorrænni námskrá fyrir nám sjúkraflutningamanna á háskólastigi.  Í verkefni Landbúnaðarháskólans er stefnt að því búa til grunn fyrir framleiðslu skógarafurða á Íslandi og kenna aðferðir við vinnslu trjáa til viðarframleiðslu og í verkefni Hugarafls verður þróað námsefni í þeim tilgangi að styðja við geðheilsu ungmenna.

Listi yfir styrkþega og verkefni
Styrkt voru verkefni á öllum skólastigum. Viðfangsefnin eru fjölbreytt og endurspegla áherslur á mismunandi skólastigum.

Fullorðinsfræðsla
Styrkt voru þrjú verkefni á sviði fullorðinsfræðslu

1. Titill verkefnis: Enterprised – Low Qualified Adult Learners Ready for Work
Verkefnisstjóri: Fræðslumiðstöð atvinnulífsins
Styrkur: € 175.610 til 24 mánaða
Verkefnið snýr að fullorðinsfræðslu í ferðaþjónustu þar sem leitast er við að bregðast við fræðsluþörf nyrst og syðst í Evrópu. Markhópurinn er fólk með litla grunnfærni og menntun sem gæti átt á hættu að ílengjast í atvinnuleysi ef ekkert er að gert.

2. Titill verkefnis: Know Your Rights – KYR
Verkefnisstjóri: Einurð
Styrkur: € 235.245 til 24 mánaða
Markmið verkefnisins er að vinna að því að fræða erlent verkafólk (migrant workers) um réttarstöðu sína á vinnumarkaði þar sem það er oft ómeðvitað um eigin réttarstöðu og veit ekki hvert á að leita.

3. Titill verkefnis: INTERACTE
Verkefnisstjóri: Mímir símenntun
Styrkur: € 156.448 til 36 mánaða
Verkefnið snýr að því að nýta gagnvirkar, rafrænar náms- og kennsluaðferðir innan fullorðinsfræðslu. Verkefnið er þannig uppbyggt að eingöngu er um að ræða þjálfunarviðburði þar sem sex evrópskar stofnanir þjálfa um 80 starfsmenn og deila gagnlegri reynslu og þekkingu.

Háskólastig
Styrkt voru þrjú verkefni á háskólastigi

1. Titill verkefnis: Entrepreneurship360 Network
Verkefnisstjóri: Háskóli Íslands
Styrkur: € 271.241 til 36 mánaða
Verkefnið tengist öllum skólastigum. Markmiðið er að bæta þekkingu og skilning breiðs markhóps tengdum formlegri og óformlegri menntun á Evrópska hæfnirammanum um frumkvöðlastarf (The European Entrepreneurship Competence Framework – EntreComp). Búa á til vef með „verkfærakistu“ og leiðbeiningum og vefnámskeið (mooc‘s) á þekktum miðli eins og edX eða Coursera.

2. Titill verkefnis: Accreditation of prior experiential learning in European Universities
Verkefnisstjóri: Háskólinn á Akureyri
Styrkur: € 256.587 til 24 mánaða
Bætt aðgengi að háskólanámi með raunfærnimati. Sérstaklega hugsað fyrir fólk sem stendur höllum fæti félagslega, t.d. flóttafólk. Gera á úttekt á núverandi stöðu, þarfagreiningu og þróa aðferðafræði til að beita raunfærnimati.

3. Titill verkefnis: European Curriculum for Paramedic BS Þ
Verkefnisstjóri: Háskólinn á Akureyri
Styrkur: € 230.300 til 24 mánaða
Þróun á samnorrænni námskrá fyrir nám sjúkraflutningamanna á háskólastigi sem gæti lagt grunn að samræmdara námi milli landanna.
Í dag er námið ekki á háskólastigi á Íslandi og í Danmörku.
Ef vel gengi gæti niðurstaðan haft áhrif víðar í Evrópu.

Starfsmenntun
Styrkt voru þrjú verkefni á sviði starfsmenntunar.

1. Titill verkefnis: TreProX, Innovations in Training and Exchange of Standards for Wood Processing (Nýsköpun í þjálfun og aðferðum við viðarframleiðslu og staðlagerð)
Verkefnisstjóri: Landbúnaðarháskóli Íslands
Styrkur: € 284.868.- til 3ja ára
Stefnt er að því að búa til grunn fyrir framleiðslu skógarafurða á Íslandi og kenna aðferðir við vinnslu trjáa til viðarframleiðslu. Aðal áhersla er á samskipti og samnýtingu efnis til kennslu, nemenda- og kennara skipti og að búa til staðla og þekkingu fagaðila í viðarframleiðslu á Íslandi.

2. Titill verkefnis: Women making Waves – Enhancing Female Leadership Skills
Verkefnisstjóri: Jafnréttisstofa
Styrkur: € 236.742.- til 30 mánaða
Stefnt er að þróun námsefnis og aðferða til að efla og hvetja konur til þátttöku í stjórnum og stjórnunarstöðum. Unnin verður þarfagreining og námsskrá fyrir leiðbeinendur og námsefni fyrir markhópinn. Einnig verða haldin námskeið fyrir kvennahópa sem fengnir verða til samstarfs í hverju landi. Námsefnið verður aðgengilegt á vefnum.

3. Titill verkefnis: Breakout Challenges for Developing Transversal skills
Verkefnisstjóri: Right Now ehf
Styrkur: € 191.184.- til 2ja ára
Verkefnið snýr að gerð og prófun á tölvuleik (Breakout Challenges) sem hefur það að markmiði að styðja við nemendur sem eiga erfitt uppdráttar í hefðbundnu námi. Leikurinn verður þróaður og prufaður, einnig þýddur á tungumál samstarfshópsins. Unnið verður stuðningsefni fyrir kennara í starfsmennta- sem og almennum framhaldskólum.

Æskulýðsstarf
Styrkt voru tvö æskulýðsverkefni í flokki samstarfsverkefni

1. Titill verkefnis: Beyond #MeToo, Youthworkers, Young People and the wider community making a positive change around GBV
Verkefnisstjóri: Ofbeldisforvarnaskólinn
Styrkur: € 176.855 til 25 mánaða
Um er að ræða framhald verkefnis sem er að ljúka þar sem á að stíga lengra og skoða hvaða áhrif kynbundið ofbeldi hefur á íþrótta- og æskulýðsstarf og þróa námskrá og námskeið fyrir starfsmenn í æskulýðsgeiranum.

2. Titill verkefnis: Highway to mental health
Verkefnisstjóri: Hugarafl
Styrkur: € 188.610 til 2ja ára
Stefnt er að því að búa til og þróa námsefni í þeim tilgangi að byggja upp geðheilsu ungmenna, bæði í hefðbundnu formi og netnámskeið.
Áhersla lögð á tilfinningastjórn og seiglu (emotional resilience), félagsleg tengsl, samfélag og náttúru, valdeflingu, samúð, heilbrigðan lífstíl.

Skólar
Styrkt voru þrjú samstarfsverkefni á leik-grunn og framhaldsskólastigi.

1. Titill verkefnis: Wonders of Waste
Verkefnisstjóri: Leikskólinn Akrasel
Styrkur: € 128.426 til 24 mánaða
Leikskólinn Akrasel, ásamt leikskólum frá sex öðrum löndum, þróa aðferðir í að innleiða aðferðir í kennslu endurvinnslu, náttúruverndar og sjálfbærrar þróunar á þessu skólastigi.

2. Titill verkefnis: BE-CHILD - Build a more inclusive society supporting ECEC educators for the development of socio emotional competences in pre-school children
Verkefnisstjóri: Háskóli Íslands
Styrkur: til 30 mánaða

Verkefnið snýst um samstarf háskóla, rannsóknarstofnana, leikskóla og kennara um þróun náms og kennslu í félagsfærni barna á aldrinum 0-6 ára. Afurðir verkefnisins eru bæði niðurstöður rannsókna á starfsháttum og náms- og kennsluefni fyrir leikskólakennara.

3. Titill verkefnis: Engaging Rural Youth
Verkefnisstjóri: Landsbyggðavinir
Styrkur: € 207.891 til 29 mánaða.-
Landsbyggðarvinir, taka saman höndum með grunn- og framhaldsskólum í fjórum löndum, með það að markmiði að efla ungt fólk til þess að taka þátt í ákvörðunum um þróun svæðanna í nútíð og framtíð.

Skólaverkefni - samstarf skóla
Að þessu sinni voru styrkt 39 skólaverkefni sem er sérstakur verkefnaflokkur þar sem megináherslan er á samstarf skóla, starfsmanna þeirra og nemenda. Aldrei hafa jafn mörg verkefni fengið styrk í þessum verkefnaflokki og veitir þetta skólum einstakt tækifæri til að efla alþjóðlegt samstarf og nýsköpun. 

Verkefni með íslenskri verkefnisstjórn 

Verkefni með erlendri verkefnisstjórn